5 पटक हेरिएको 
पथरी । मौलिक मुन्धुमी (लिम्बू) संस्कृति र गीत–संगीतलाई विश्वमञ्चमा चिनाउने उद्देश्यसहित अन्तर्राष्ट्रिय Yele Singing Idol 2025(येले साम्लो नाइसुम)को आवेदन प्रक्रिया खुला गरिएको छ ।
मुन्धुमी मा चुम्लुङ सास्कृतिक बिभाग पथरी शनिश्चरे, मोरङ्ले नाइसुङ, मौलिकता जगेर्ना गर्ने र नयाँ प्रतिभा पहिचान गर्ने उद्देश्यले आयोजना गरिएको आयोजनाले जनाएको छ। आवेदनका लागि २०८२ मङ्सिर १७ गतेसम्म स्थाइ–अन्तरासहितको गीत वा अधिकतम १ मिनेटको पालाम/ख्याली भिडियो WhatsApp 9804017561 मा पठाउनुपर्नेछ।
फारम शुल्क १ हजार र नागरिकताको फोटो अनिवार्य गरिएको छ। प्रतियोगितामा मुन्धुमी भाषाका मौलिक गीतलाई प्राथमिकता दिइने भए पनि अन्य जाति–समुदायका इच्छुक पनि सहभागी हुन सक्ने आयोजकको भनाइ छ।
प्रतियोगिता ६ चरणमा सम्पन्न हुनेछ। पहिलो चरणमा जुनसुकै मौलिक गीत पठाएर प्रवेश गर्न सकिनेछ। पहिलो छनोटबाट २१ जना प्रतिस्पर्धी सेभ गरिनेछ भने त्यसपछि हरेक चरणमा प्रतिस्पर्धी क्रमशः बाहिरिदै जानेछन्। अन्त्यमा छानिएका टप ५ प्रतियोगीले १५ दिनको विशेष क्याम्पिङमा सहभागी हुनेछन्, जहाँ निःशुल्क बसोबास, खानपान तथा संगीत तालिम प्रदान गरिनेछ।
फाइनल कार्यक्रम २०८२ माघ १७ गते हिम सिखर टिभीमार्फत प्रत्यक्ष प्रसारण गरिनेछ। निर्णायकमा नेपाल, सिक्किम र दुबईका कलाकारहरू रहनेछन्। साथै, लाइक, सेयर, भ्युज, कमेन्ट तथा आयोजकको अंक मिलेर कुल ५०% मूल्याङ्कन हुनेछ भने फाइनल चरणमा भ्युज/लाइकको आधार नलागी सामान्य भोटिङबाट १०% जोडिनेछ। प्रथमले रु. १ लाख, ट्रफी, म्युजिक भिडियो तथा गीत रेकर्डिङ गर्न पाउनेछन्। द्वितीयले रु. ५०,००० सहित स्टुडियो भिडियो तथा तृतीयले रु. २५,००० सहित अडियो रेकर्डिङ पाउनेछन्। दुई जना सान्त्वनालाई पनि विशेष सम्मान प्रदान गरिनेछ। प्रतियोगिताबाट छानिएका टप ५ प्रतियोगीलाई पाँचथर, इलाम, ताप्लेजुङ, तेह्रथुम, धनकुटा र सिक्किमका विभिन्न सहरमा विशेष सांगीतिक प्रस्तुति दिने अवसर पनि प्रदान गरिने आयोजकले जनाएको छ।
