15 पटक हेरिएको 
पथरी । एक हप्ते बौद्ध धर्म परम्परा अनुसार विभिन्न धार्मिक अनुष्ठानको नगर प्रमुख मोहन प्रसाद तुम्वापोले उद्घाटन गरेका छन् । आइतबर पथरी शनिश्चरे वडा नं. १० को ओम सियार जम्बुलिङ बज्र गुम्बामा नगर प्रमुख तुम्वापोले अनुष्ठानको उद्घाटन गरेका हुन्। नेपाल तामाङ लामा गेदुनको आयोजनामा मंसिर ८ गतेसम्म सो कार्यक्रम सञ्चालन हुनेछ । लामा मनि मोक्तानको अध्यक्षतामा भएको कार्यक्रममा वडा नं. १० का अध्यक्ष जीवन खतिवडा, वडा नं. ८ का अध्यक्ष तथा नगर प्रवक्ता नविन कार्की, वडा नं. ४ का अध्यक्ष लोककिरण न्यौपाने, कार्यपालिका सदस्यद्वय मिना तामाङ, सुरेश कार्की, प्रमुख धर्मगुरु नेपाल तामाङ लामा गेदुन केन्द्रीय अध्यक्ष लामा पाल्देन योञ्जन, लामा नगेन्द्र योञ्जन र लामा नगेन्द्र योञ्जन विशिष्ट अतिथिका रुपमा रहेका छन् । कार्यक्रम सञ्चालन ओम सियार जम्बुलिङ बज्र गुम्बाका सल्लाहकार चन्द्र घिसिङ तामाङले गरे।
