51 पटक हेरिएको 
हसन्दह । पथरी शनिश्चरे वडा नं. ५ स्थित भेटघाट चौकमा बुधबारदेखि पशु तथा कृषि बजार लाग्न थालेको छ ।
प्रत्येक बुधबार बिहान ७ बजेबाट लाग्ने बजारको पथरी शनिश्चरे नगरपालिकाका प्रमुख मोहन प्रसाद तुम्बापोले उदघाटन गरेको छ ।
बजार सञ्चालनका लागि कृष्णबहादुर थापाले ५ कट्ठा जग्गा दान गरे । स्थानीय उत्पादनलाई प्रोत्साहन गर्नुका साथै बजार प्रवद्र्धन बढाउने उद्देश्यले बजार संचालनमा ल्याइएको वडा सदस्य मुना कार्कीले जानकारी गराइन्। बजार उद्घाटन कार्यक्रममा वडा नं. ५ का वडाध्यक्ष चेतन खड्का, जनप्रतिनिधिहरू, स्थानीय तथा सरोकारवालाहरूको उपस्तिथि रहेको थियो । भेटघाट चोकमा पशु बजार लागेसङ्गै पथरी शनिश्चरे नगरपालिकामा दुई पशु बजार भएको छ ।
