39 पटक हेरिएको 
पथरी । इङ्घङ्ग मिडिया प्रालिले मोरङको पथरी शनिश्चरेमा ‘कोइलाखाद’ मन्थन साहित्यिक कार्यक्रमको आयोजना गरेको छ।
सोमबार श्याम सिघंकद्वारा लिखित उपन्यासमाथि साहित्यकार तथा समीक्षकद्वय रोहित पराई तथा सुमन मेवाहाङ्गले मन्थन गरेका हुन् । कृतिकारका विविध आयाम र प्रयोगहरूको चर्चा गर्दै कथावस्तु उठान गरिएको थियो । उपन्यासकार श्याम सिघंकले आफ्नो कृति भित्रका पात्र र उपन्यासको कथाको थाकथलो भारतको मेघालयको बारेमा चर्चा गरे । ७ वर्षमा उपन्यास तयार भएको बताउदै लेखक सिंघकले `कोइलाखाद’ बारेमा अहिलेसम्म कसैले नलेखेको बताए । कला साहित्य प्रवर्द्धन समिति पथरी शनिश्चरेका सचिव लक्ष्मी फुयाँल, झापा दमकका साहित्यकार राजकुमार सुब्बा, कवि देवेन्द्र सुर्केली खापुन र गीतकार गणेश थक्लुङले रचना सुनाएका छ ।
ईङघङ मिडिया प्रालिका सञ्चालक फिप राज बेघाको अध्यक्षतामा सम्पन्न भएको उक्त कार्यक्रममा वडा नं १ का वडाध्यक्ष भीम कुमार राई , पथरी बहुमुखी क्याम्पसका निवर्तमान क्याम्पस प्रमुख चेतन पौडेल, ग्रेटग्रेस बोर्डिङ्ग स्कूलकी संचालिका गीता श्रेष्ठलगायत विभिन्न साहित्य अनुरागी तथा पत्रकारहरूको उपस्थिति रहेको थियो।
