दमक । सृजनसिल अराजकताका अभियन्ता तथा लेखक हाङयुग अज्ञातका कविता संग्रह,`हाङयुगका कविताहरु´आज झापाको दमकमा औपचारिक रुपमा लोकार्पण गरिएको छ ।
श्रमिकहरुको सम्मानका खातिर आफ्नो नयां कृति आफूले स्रस्टा अफसेट प्रेसमै विमोचन गर्ने र श्रमको सम्मान गर्ने हेतुले यसो गरेको कवि हाङयुगले बताए । लेखकले लेख्दैमा मात्र किताब पुर्ण रुपले तयारी नहुने र यसमा प्रेसका सम्पुर्ण श्रमिकहरुको हात रहने भएकाले पनि आफुले नयां ढंगबाट आफ्नो कृति लोकार्पण गर्न आफु अभिप्रेरित रहेको खुलासा गरे ।
कार्यक्रममा बोल्दै स्रष्टा पब्लिकेशनका अध्यक्ष सुन्दर कुरुपले हाङयुग अज्ञात जस्तो चिन्तकहरुको पुस्तक दमकले छाप्न पाउन हाम्रो अहोभाग्य रहेको बताए । कार्यक्रममा स्रष्टा पब्लिकेशनका महा सचिव याम थुलुङले कार्यक्रम र कृतिलाई सुभकामना ब्यक्त गरे ।श्रष्ठा पब्लिकेशनका सविब राजकुमार अनिश्चितले कवि हाङयुगका कविता `उखु´ शीर्षकको वाचन गरेर कार्यक्रमको थालनी गरेका थिए भने कार्यक्रम स्रष्टा पब्लिकेशनका अध्यक्ष सुन्दर कुरुपको अध्यक्षतामा सम्पन्न भएको थियो ।


47 पटक हेरिएको 












