15 पटक हेरिएको 
पथरी । शिक्षा, युवा तथा खेलकुद शाखा पथरी शनिश्चरे नगरपालिकाले सामुदायिक विद्यालयमा कार्यरत आईटी स्रोत शिक्षकहरुको पाँच दिने क्षमता विकास तालिम सम्पन्न भएको छ ।
पञ्चायत माध्यमिक विद्यालयमा वैशाख १० गतेदेखि सञ्चालन भएको तालिम सोमबार समापन गरिएको हो । समापन कार्यक्रममा नगर प्रमुख मोहन प्रसाद तुम्वापो, शिक्षा, युवा तथा खेलकुद शाखा प्रमुख नविन खुलाल तथा पञ्चायत माविका प्रधानाध्यापक अर्जुनकुमार बुढाथोकीले संयुक्त रूपमा सहभागी शिक्षकहरुलाई प्रमाण–पत्र वितरण गरेका छन् ।
तालिममा नगरका २७ वटा सामुदायिक विद्यालयका आईटी स्रोत शिक्षकहरुको सहभागिता रहेको थियो । सहभागीको तर्फबाट भागिरथ माविका शिक्षक घनश्याम ढकाल र प्रशिक्षक तर्फबाट सन्जय कुमार खत्रीले मन्तव्य व्यक्त गरेका छन् । तालिमका प्रमुख प्रशिक्षक बाल कुमार रेग्मी तथा प्रशिक्षक आर.के. सिंह रहेका थिए। नगरपालिकाले यस्ता क्षमता अभिवृद्धि गर्ने तालिम कार्यक्रमलाई निरन्तर रुपमा आयोजना गर्दै आइरहेको छ ।
