112 पटक हेरिएको 
पथरी । कोशी प्रदेशको पुनः नामांकनको माग राख्दै आन्दोलनरत प्रदेश नम्बर १ पुनः नामाकरण संयुक्त संघर्ष समितिले बुधबार मिक्लाजुङ गाउँपालिकाको कार्यालय र नौ वटै वडा कार्यालयमा तालाबन्दी गरेको छ । 
संघर्ष समितिले गाउँपालिका र सबै वडा कार्यालयमा तालाबन्दी गरेर बन्द लेखिएको ब्यानर समेत राखेको र तालाबन्दी चैत १७ गते शुक्रबारसम्म जारी राखिने संघर्ष समितिका सरोज किराँतीले जानकारी दिए । कोशी प्रदेशको पुनः नामांकनको माग राखि आन्दोलन गर्ने क्रममा प्रहरी धरपकडबाट पदम लिम्बूको मृत्यु भएसँगै पहिचानवादी संघर्ष समितिले थप आन्दोलनको कार्यक्रम घोषणा गरेको थियो । देउमाई नगरपालिका वडा नं. ७, इलाममा तालाबन्दी गरिएको छ । कोशी नाम खारेजीको घोषित कार्यक्रम अनुसार झापा जिल्ला अन्तर्गत हल्दिबारी गाउपालिका र वाड नम्बर १,२,३,४,५ पनि ताला लगाई काशेी लेखिएको लेटर प्याड, बोर्ड पनि जलाइएको छ । 
