92 पटक हेरिएको 
पथरी । सहिद रत्नकुमार वान्तावा राई तेस्रो राष्ट्रब्यापी रेटिङ बुद्धिचाल प्रतियोगिता २०८० को चौथो राउन्ड सकिएको छ । चौथो राउन्ड सकिदा पाँच जनाले सत प्रतिशत जित निकाल्दै ४/४ अंक जोडेका छन् । सतप्रतिशत जित निकाल्नेहरुमा झापा दमकका राजन सुवेदी, पूर्ब मोरङ च्याम्पियन राजेन्द्र राई, सुनसरीका राजनकुमार पोख्रेल, झापा दमकका सुमन श्रेष्ठ, काठमाडौका पूर्ब नेपाल च्याम्पियन नवीन तन्डुकर रहेका छन ।
त्यसैगरी ६ जना खेलाडीले अपराजित यात्रा तय गर्दै साढे ३/३ अंक जोडेका छन । अपराजित यात्रा तय गर्नेहरुमा मोरङ पथरी शनिश्चरेका लोकसागर साम्बा, काठमाडौ घर भएका १८ बर्ष मुनिका पुर्सोतम सिलवाल, २००० माथि रेटिङ रहेका मिलन लामा, दोलखाका खेलाडी आशिष् फुयल, शुश्रुत दाहाल (पहिलो संस्करण बिजेता) र काठमाडौं उपत्यकाको ललितपुर घर भएका वर्तमान नेपाल च्याम्पियन रुपेश जैसवाल रहेका छन । २८ जनाले ३/३ अंक प्राप्त गरेको प्रमुख आरबिटर डम्बर राईले बताए । प्रतियोगितामा देशभरबाट १ सय ५० खेलाडी सहभागी रहेको आयोजक फ्रेण्डसीप चेस क्लबका अध्यक्ष अमिर राईले बताए ।स्वीस लिग अन्तरगत ९ राउन्ड हुने खेलमा सबैभन्दा बढी अंक ल्याउने र बराबर भएमा इन्काउन्तरमा जित्ने खेलाडी बिजय हुने प्रमुख आरबिटर डम्बर बाछना राइले बताए । बिजेतालाई ५१ हजार, दोस्रोलाई ३५, तेस्रोलाई २५, चौथोलाई २० हजार लगायत १५ औं सम्मका खेलाडीहरुलाई जनही १० हजारको दरले र अन्य विभिन्न २१ बिधामा गरेर ३६ जनालाई गरेर ३ लाख ५० हजार नगद, ट्रफी, मेडल र प्रमाणपत्र प्रदान गरिने आयोजक फ्रेण्डसीप चेस क्लबका उपाध्यक्ष रोहित सुब्बाले बताए ।
