46 पटक हेरिएको 
पथरी । मोरङको पथरी शनिश्चरेमा जिल्लास्तरीय चित्रकला प्रतियोगिता-२०८१ सम्पन्न भयो।
निजी तथा आवासीय विद्यालय अर्गनाइजेसन नेपाल (प्याब्सन) मोरङ जिल्ला कार्य समितिले सो प्रतियोगिता आयोजना गरेको हो। प्याब्सन पथरी शनिश्चरेकले आतिथ्यता गरेकाे साे प्रतियोगितामा कूल ४९ वटा विद्यालयका ८४ जना विद्यार्थीहरूले सहभागिता जनाएका थिए। सोहि अवसरमा १३ जना विभिन्न चित्रकारहरूले चित्रहरू स्केच गरी कार्यशाला सहभागी भएका थिए । प्रतियोगिताको जुनियर तर्फ (कक्षा -५ देखि मुनी)बाट ग्रेटग्रेस पथरी शनिश्चरेकी प्रश्ना तामाङ प्रथम, सुपब् मोडल पथरीमा सेसेहाङ लिम्बु दोस्रो, पूर्वाञ्चल विद्या सदन विराटनगरकी एन्जेलिना श्रेष्ठ तेस्रो स्थान हासिल गरेका थिए । सिद्दार्थ सुन्दर हरैंचाका सिम्रन खड्का र एभरेष्ट अंग्रेजी स्कूल पथरीकी आभा केरूङले सान्त्वना स्थान हासिल गरेका हुन्। यसै गरी, सिनियर(कक्षा ६ देखि १० तह) तर्फको स्पर्धामा ग्रेडेट स्कूल, विराटनगरकी कृतिका यादव प्रथम, रंगेलीका बाल देवदुत दोस्रो, माउण्ट मकालु रंगेलीका चन्चल मण्डल तेस्रो भएका थिए ।
