39 पटक हेरिएको 
पथरी । पथरी शनिश्चरे नगरपालिकामा २१ औं निजामती सेवा दिवस २०८१ को अवसरमा कार्यालय परिसर सरसफाई तथा उत्कृष्ट कर्मचारी सम्मान कार्यक्रम गरिएको छ ।
आज नगरपालिकाको आयोजनामा ‘व्यावसायिक र सिर्जनशिल प्रशासन : विकास, समृद्धि र सुशासन’ भन्ने मूल नाराका साथ सो कार्यक्रम सम्पन्न गरिएको हो । नगरका जनप्रतिनिधिहरु र कर्मचारीहरुको उपस्थितिमा सुरुवातमा कार्यालय परिसर सरसफाई गरिएको थियो त्यसपछि सम्मान कार्यक्रम सम्पन्न गरिएको थियो ।
प्रमुख प्रशासकीय अधिकृत शशि राईको अध्यक्षता तथा नगर प्रमुख मोहन प्रसाद तुम्वापोको प्रमुख आतिथ्यमा सम्मान कार्यक्रम गरिएको थियो । प्रशासन शाखा प्रमुख लुकनाथ पोखरेलले सञ्चालन गर्नुभएको सम्मान कार्यक्रममा कर्मचारीद्वय कम्प्युटर अपरेटर विनोद पराजुली र अमिन सागर श्रेष्ठलाई नगद रु. १५ हजार सहित दोसल्ला ओढाएर सम्मान गरिएको हो । सम्मान कार्यक्रममा वडा नं. ४ का वडा अध्यक्ष लोककिरण न्यौपाने, वडा नं. १० का अध्यक्ष जीवन खतिवडा र वडा नं. २ का वडा सदस्य तथा कार्यपालिका सदस्य सिता दर्जीको उपस्थिति रहेको थियो ।
