59 पटक हेरिएको 
विराटनगर । जिल्ला मोरङ विराटनगर मनपा वडा नं. १२ का दुई जना युवा सट्टेवाज सम्बन्धी गैर कानुनी कृयाकलाप गरेको आरोपमा पक्राउ परेका छन्।
भदौ १८ गते मोरङ विराटनगर मनपा वडा नं. १२ बस्ने वर्ष २० को उत्सव अर्याल र बर्ष १८ को उत्कृष्ट अर्याल पक्राउ परेका हुन् । विभिन्न अनलाईन एप्स मार्फत अनलाईन सट्टेवाज सम्बन्धी गैर कानुनी कृयाकलाप गर्दै आएका उनीहरुले प्रयोग गरेको एन्ड्रोईड मोबाईल सेटमा 1xbet लगायतका एप्स डाउलोड गरी सञ्चालन गरेको प्रहरीले जनाएको छ । सो मार्फत अनलाईन डिजिटल खाताहरु समेतबाट सट्टेबाजी लिने दिने दुवै कार्य गरेको पाईएकोले निजहरुको घरकोठामा तलाशी गर्दा कम्प्युटरको CPU थान-१, राउटर थान-१ ,मोबाईल २ थान समेत बरामद गरिएको छ। जिल्ला प्रहरी कार्यालय मोरङले मुलुकी अपराध संहिता २०७४ बमोजिम सट्टेवाजी गर्न नहुने कसुरमा जिल्ला अदालत मोरङबाट म्याद थप गरी आवश्यक अनुसन्धान गरिरहेको छ।
