69 पटक हेरिएको 
पथरी । सुनाखरी मावि पथरी शनिश्चरेले बुधबार विद्यार्थीहरुलाई चक्लेट र दक्षिणा स्वरुप नगद दिएर शुभकामना व्यक्त गरेको छ ।
विद्यालयमा दशैको शुभकामना आदान प्रदानसँगै विद्यार्थीलाई चक्लेट र अध्यक्ष प्रदिपकुमार राई, प्रधानाध्यापक भूमिकादेवी मगरले दक्षिणा स्वरुप हरेक विद्यार्थीलाई नगद वितरण गरेका थिए ।
विद्यालयका शिक्षक बलराम तिम्सिनाको सभापतित्वमा भएको कार्यक्रममा व्यवस्थापन समितिका अध्यक्ष प्रदिपकुमार राई, प्रधानाध्यापक भूमिकादेवी मगरले उपस्थित शिक्षकहरु, अभिाभावक र विद्यार्थीहरुलाई शुभकामना दिएका थिए । कार्यक्रममा विद्यार्थीहरुले दशैको गीतमा नृत्य गरेर मनोरञ्जन प्रदान गरेका थिए । कार्यक्रम शिक्षक राजकुमार राईले सञ्चालन गरेका थिए ।
