38 पटक हेरिएको 
पथरी ।‘स्वास्थ्यका लागि खेलकुद, राष्ट्रका लागि खेलकुद’ भन्ने मूल नाराका साथ पथरी शनिश्चरे नगरपालिका अन्तर माध्यमिक विद्यालयस्तरीय छैटौं राष्ट्रपति रनिङशिल्ड खेलकुद प्रतियोगिता–२०८१ को समापन भएको छ ।
प्रतियोगितामा बुद्ध मावि(पथरी शनिश्चरे-८) प्रथम, सिंहवाहिनी मावि(पथरी शनिश्चरे-९) द्वितीय र पञ्चायत मावि(पथरी शनिश्चरे-१)ले तेस्रो स्थान हासिल गरेको छ । गत वर्ष पनि बुद्ध माविले प्रथम स्थान हासिल गरेको थियो ।
शुक्रबार वडा नं. १ को सुनाखरी माध्यमिक विद्यालयमा नगर प्रमुख मोहन प्रसाद तुम्वापो छैटौं राष्ट्रपति रनिङ शिल्ड प्रतियोगिता–२०८१ को प्रमुख अतिथि रहेका थिए ।
नगरपालिकाको आयोजनामा भएको सो कार्यक्रमको अध्यक्षता वडा नं. १ का वडाध्यक्ष भीम राईको रहेको थियो । यसैगरी समापन कार्यक्रममा नविन कार्की, कार्यपालिका सदस्य विरध्वज शिवा, सुनाखरी माविका वि.व्य.स.अध्यक्ष प्रदिपकुमार राई, नगरपालिकाका शिक्षा शाखा प्रमुख नविन खुलाल, विद्यालयका प्रधानाध्यापकहरुको उपस्थिति रहेको थियो ।
