115 पटक हेरिएको 
हसन्दह । अस्थायी प्रहरी चौकी (पथरी शनिश्चरे-४ कुशल चोक)मा कम्पाउण्ड निर्माण गरिने भएको छ ।
कोशी प्रदेश सरकारले कम्पाउण्ड निर्माणका निम्ति ८ लाख विनियोजन गरेपछि फलामेद्वारसहितको कम्पाउण्ड निर्माण हुने भएको हो । शुक्रबार पथरी शनिश्चरे वडा नम्बर ४ का वडाध्यक्ष लोक किरण न्यौपानेसहित स्थानीय समाजसेवी एवम् सरोकारवालाहरुको उपस्थितिमा नापजाँच गरिएको छ । वडा अध्यक्ष न्यौपानेसहितको टोलीले सो योजनाको लागि पहल गरेका थिए । छिट्टै प्रदेश सरकारले अनलाईन बिडिङमार्फत योजनाको टेण्डर खोल्ने बुझिएको छ ।
