176 पटक हेरिएको 
मङ्गलबारे(उर्लाबारी) । सिक्किम भारत निवासी साङगे छो गुरुङ्को `शुभकामना ल्होसारको…´ गीतको भिडियोको प्रीमियर शो मङ्गलबार गरिएको छ ।
मुहा कृएटिभ स्टुडियोको प्रस्तुति रहेको गीत प्राथना रिसोर्ट उर्लाबारी मोरङमा सार्वजनिक गरिएको हो । ल्होसार पर्वको पूर्व सन्ध्यामा सार्वजनिक भिडियो प्रीमियर शोका प्रमुख अतिथि शब्द थिएटर पथरीका निर्देशक/रंगकर्मी जीवन वरालले कलाकारले समाजमा भए गरेका विषय बस्तुलाई विभिन्न विधावाट बाहिर ल्याउनु पर्ने बताए । वरालले मुलुक भित्र भएका विभिन्न पर्व मध्येको ल्होसार पर्वको विषयलाई गीतको अडियो मार्फत आम समुदायका माझ पुर्याएकोमा खुशी ब्यक्त गरे । कार्यक्रमका विशेष अतिथि पथरी शनिश्चरे नगर पालिका ३ का वडा अध्यक्ष विजय लिम्वू, म्युजिक भिडियोका निर्देशक सोम मंग्रान्ती, प्रदिप दाहाल लगायतले म्युजिक भिडियोको विषयमा बोलेका थिए । राम प्रसाद गुरुङ्को शब्द, नन्दु गुरुङ्को स्वर/संगित, अशोक थापाको एरेन्ज, राजु कार्कीको मिक्सिङ् रहेको ल्होसार गीत सिक्किमको रमणीय स्थानहरुमा छायांकन गरिएको छ । मुहासिं थापा मगरको छायाँकार/सम्पादक रहेको भिडियोलाई सोम मग्रान्तीले निर्देशन गरेका छन् ।
साङ्गे छो गुरुङ, लुजा गुरुङ, कुसुम गुरुङ, पवन गुरुङ, विन्ध्या लिम्बू, ललित गुरुङ, चेंगा शेर्पा, एन.वी. गुरुङ, यसोदा गुरुङ सिता, गुरुङ दृष्य गुरुङ, अभिषेक गुरुङ, सेलिना गुरुङ, प्रिया गुरुङ, ईन्दु गुरुङ, सरण गुरुङ, नरेश गुरुङ, अम्बर बहादुर गुरुङ, कविता गुरुङ देउमाया गुरुङ, नरमाया गुरुङ, अन्जु सुनुवार, दिपेन गुरुङ, कुन्तिमाया गुरुङलगायतको अभिनय गीतमा हेर्न सकिन्छ । देउ कुमार गुरुङ सह निर्माता, भुपाल गुरुङ र पवन गुरुङ निर्माता रहेकोे गीतमा ललित गुरुङले नृत्य निर्देशन गरेका छन् । ५ मिनेट २६ सेकेण्डको यो भिडियो जमर्को फिल्म ‘Jamarko Film’ युटुव च्यानलबाट सार्वजनिक गरिएको छ ।
