48 पटक हेरिएको 
पथरी । मोरङको पथरी शनिश्चरेमा नगरस्तरीय खुला कविता प्रतियोगिता -२०८१ मा लोक सागर साम्बा प्रथम भएका छन्।
शनिवार भएको १० स्पर्धीलाई पछि पार्दै कवि साम्बा प्रथम भएका हुन्। त्यस्तै प्रसुना तिम्सिना दोस्रो, लाजिमा सुन्दास तेस्रो, पवित्रा खनाल सान्त्वना भएका छन् । प्रतियोगिताको प्रथम, द्वितीय, तृतीय र सान्तवना हुनेलाई क्रमशः रू.१५,०००/-, रु.१०,०००/-, रु.५,०००/- र रू.२,०००/- तथा प्रमाण पत्र प्राप्त गरेका छन् । उत्कृष्ट ४ स्पर्धी ले पहिलो चरणमा असार ८ गते २२ मध्ये १० मा छानिका थिए। आजै टप १० स्पर्धीले कविता वाचन गरेका छन् । ती मध्ये टप ४ मा छानिए पछि झरी शीर्षकमा कविता प्रस्तुत गर्न लगाइएको थियो । दोस्राे चरणको फाईनल प्रतियोगितामा स्रष्टा सम्मान, नाटक प्रदर्शन तथा विविध सांस्कृतिक कार्यक्रमसहित पुरस्कार वितरण कार्यक्रम गरिएको छ । सोही अवसरमा पथरी शनिश्चरे १ का विष्णु भक्त गजमेरलाई सम्मान गरिएको छ । २२ वर्ष अघि देखि मुर्ति बनाउँदै आएका गजमेरलाई नगद २५ हजार र सम्मान पत्रले सम्मानित भएका हुन् ।सम्मानित तथा पुरस्कृत व्यक्तिहरुलाई प्रमुख अतिथि पूर्व नगर प्रमुख दिलिप कुमार राई, वडा नं ८ का अध्यक्ष नविन जंग कार्की , वडा नं २ का अध्यक्ष नैना राई लगायतले सम्मान गरेका हुन् । कार्यक्रम कला साहित्य प्रवर्द्धन समिति, पथरी शनिश्चरेले आयोजना गरेको हो।
