60 पटक हेरिएको 
मुसुक्क हाँस्दै बजार झर्छ्यौ अचेल भिन्नै छ चाल तिम्रो !
कतै अचानक ओझेल पर्छ्यौ अचेल भिन्नै छ चाल तिम्रो !
समीप आयौ घसेर लाली अधर दबाई हिया पगाल्न
लजाई आफैं भुतुक्क मर्छ्यौ अचेल भिन्नै छ चाल तिम्रो।।
नशालु देख्छु नयन असाध्यै छ मन्द मुस्कान् कटक्क पार्ने
लुकेर आभा सुवास छर्छ्यौ अचेल भिन्नै छ चाल तिम्रो।।
हिजो अपर्झट खबर पठायौ म! भेट्न आएँ सबेर दौडी
न ओठ खोल्छौ न दूर सर्छ्यौ अचेल भिन्नै छ चाल तिम्रो।।
सजा दिलाऊ बरु मलाई म जान्न टाढा तिमी रुवाई
हिया जलाई प्रेमाश्रु भर्छ्यौ अचेल भिन्नै छ चाल तिम्रो।।
✍️ २०८१ – ३ – २०
बहर – जमील मुसम्मन सालीम
अर्कान – १२१२२ १२१२२ १२१२२ १२१२२
-मोरङ पथरी शनिश्चरे
